Sêva Mêxekrêj

Ez kewta rae. Ti qaytê koteranê eywanê mi bibe, Ti şiyar be şewe-şewanê giranan de, Ti bişikne çerxê felegê polatê koli… Mola nan û nevaley; Pûşiyê mi nizam bike, qolê kincê mi binfine, Fina peyêne qaytê çimanê mi yê mahmuran bike, Sazê mi veşne, wele pîr bike sereyê mi. Sileyê mi diriyayê. Ti sêve biya mı re, ez qaranfîle. Ma bi niyetê sey serrî, hezar doney bicipinime pıro. Fina peyêne şîîre biwane mi re, omîdî ra qisey bike… Na rae bi linganê tıznan kî şêrina. Vatenê se ke ti bi hesretê mi wextê xo biveyernî, Mi dıma fidan binişne, her ca bike kewe… Ke ez ti ra dûrî kewta, qeraxiye yena… Miyanê rae de linge mi şikiye. Na diyara hûşk û khariya, herde xo têşano, qeliyayo… Hewrê varani pusu de tora lingênê, Şîîre biwane, wexto ke varano zêde bivaro…